Ferðalag um heim Rolex

Meira en 100 árum eftir að vörumerkið leit dagsins ljós er þetta viðhorf stofnandans meira áberandi en nokkru sinni fyrr og skín bæði í gegnum framleiðslu úranna og skuldbindingar fyrirtækisins um allan heim.

Skuldbinding við ágæti

Skuldbinding við ágæti

Allt frá upphafi Rolex hefur saga þess einkennst af leitinni að fullkomnun og metnaði til að ná lengra.

Í upphafi 20. aldar stóð hugsjónamaður í London á barmi velgengni. Markmið hans var að kynna fyrir úrsmíðaheiminum áður óþekkt merki: Rolex. Nafnið varð til árið 1908 og varð eitt virtasta vörumerki heims á aðeins nokkrum áratugum. Samkvæmt frásögn Hans Wilsdorfs í endurminningum sínum um upphaf fyrirtækisins virtist mótstaðan gegn honum óyfirstíganleg í fyrstu.

Þó hann hafi haft lítið á milli handanna þegar hann tók fyrstu skrefin, hafði þessi frumkvöðull ómetanlega eiginleika: framtíðarsýn, þrautseigju og mikla eljusemi. Hans Wilsdorf varð munaðarlaus 12 ára gamall og gat aðeins reitt sig á ákveðni sína til að sigrast á áskorunum. Hann fann upp fyrsta vatnshelda, sjálftrekkjandi úrið með Perpetual sjálfvindulóð en það úr er orðið fyrirmynd hvað varðar gæði og upphefð.

„Of flókið, of viðkvæmt, illa hannað“ voru meðal þeirra móttaka sem úrið hlaut. En Hans Wilsdorf stóð fast við sitt og honum tókst að ná háleitu markmiði sínu um að festa Rolex úrið – Oyster Perpetual – í sessi sem fyrirmynd vatnsheldra úra: nákvæmt, sterkbyggt og þolir allar aðstæður. Hann var ekki aðeins hugsjónamaður sem færði Rolex úrunum grundvallartækni þeirra og útlit. Stöðug leit hans að fullkomnun sló í takt við mikið örlæti og óbilandi trú á hans möguleika mannsins.

Sérþekking sameinuð

Rolex er samþætt og sjálfstætt fyrirtæki með framleiðslugetu sem einkennist af yfirgripsmikilli kunnáttu og þekkingu. Úrsmiðir, verkfræðingar, hönnuðir og aðrir sérfræðingar vinna náið saman allt frá hönnun til framleiðslu úranna. Fyrirtækismenning Rolex byggist fyrst og fremst á mannlegum gildum sem gera bæði sérkunnáttu og félagslega hæfileika að hornsteini verkefna.

Hjá Rolex koma saman margvíslegar atvinnugreinar og starfsmenn sem hafa sérþekkingu á sínu sviði. Fyrirtækið hefur algjöra stjórn á helstu íhlutum sínum, til dæmis gullblöndun, vélsmíði, pússun og samsetningu gangverksins, kassans, skífunnar og keðjuhlutanna, ásamt ísetningu gimsteina. Einnig er boðið upp á kunnáttu fyrirtækisins um allan heim í gegnum framúrskarandi viðgerðarþjónustu.

Rolex hefur sína eigin þjálfunarmiðstöð til að tryggja að sérþekking merkisins lifi áfram til framtíðar. Höfuðstöðvarnar eru í Genf og fyrirtækið skuldbindur sig til að skara fram úr, mennta starfsfólk og leiðbeina lærlingum. Markmið fyrirtækisins er að gera yngri kynslóðir stoltar af hæfileikum sínum og hjálpa þeim að ná fullkomnu valdi á þekkingu sinni.

Úr ólíkt öllum öðrum

Úr ólíkt öllum öðrum

Oyster Perpetual-úrin voru byggð á velgengni upprunalega Oyster úrsins, sem fékk skráð einkaleyfi og var markaðssett árið 1926. Það var fyrsta vatnsþétta armbandsúr í heims og ruddi brautina fyrir þróun úranna eins og þau eru í dag. Með árunum komu fram fleiri nýjungar hjá Oyster úrinu – til dæmis sjálftrekkjandi gangverk með Perpetual sjálfvindulóðinu (1931) – sem urðu einkennandi fyrir úrin í þessu safni og festi yfirburði Rolex í sessi, en hornsteinarnir voru nákvæmni og áreiðanleiki.

Oyster þróaðist smám saman í safn úra með nýja eiginleika og tækni. Öll úrin hafa sömu grundvallareiginleika og auðþekkjanlegt útlit. Í dag er safnið með 12 línur sem skiptast í tvo flokka: klassísk úr á borð við Datejust og Day-Date og fagleg úr á borð við Explorer og GMT-Master II.

Sem frumkvöðull armbandsúrsins hefur fyrirtækið komið með fjölmargar mikilvægar nýjungar í úrsmíðum og hefur fengið skráð yfir 600 einkaleyfi á ferlinum.