Háþróuð tækni er notuð til að ögra lögmáli tímans. Besta og öruggasta leiðin er valin af kostgæfni og höndinni er aldrei sleppt af sigrinum. Rolex er mikilvægur samstarfsaðili frægustu þolaksturmótanna, táknrænna viðburða og merkilegustu nafnanna í mótoríþróttum.
24 Heures du Mans er hápunktur þolaksturs og yfirburða. Þegar kvölda tekur á rómuðu brautinni Circuit de la Sarthe lætur kappaksturinn reyna á hæfni og seiglu ökumannanna til hins ítrasta. Kappaksturinn var haldinn í fyrsta skipti árið 1923 þar sem 33 teymi með tveimur ökumönnum spreyttu sig. Í dag keppa yfir 60 bílar með þremur ökumönnum um titilinn, þar sem stórir bílaframleiðendur og teymi í einkaeigu sýna tæknilega sérþekkingu sína. Frá árinu 2001 hefur Rolex verið stærsti samstarfsaðili og opinbert úr þessa glæsilega kappaksturs sem hyllir tilþrif ökumannanna í von um að ná hinu eftirsótta fyrsta sæti.
Bestu ökumennirnir og teymin í þolkappakstri keppa í 24 klukkustundir á hinni 5,73 kílómetra löngu Daytona International Speedway í Flórída. Aðeins þrautseigustu ökumennirnir og besta tæknikunnáttan geta hrósað sigri. Vinningshöfum er raðað eftir ekinni vegalengd innan tiltekins tíma. Rolex hefur verið aðalstyrktaraðili og opinbert úr þessa kappaksturs frá árinu 1992.
12 Hours of Sebring-kappaksturinn var fyrst haldinn í Bandaríkjunum árið 1952. Hann er þekktur fyrir að vera einn erfiðasti þolkappakstur í heimi. Sebring International Raceway-kappakstursbrautin er ójöfn og höst og er sannur prófsteinn á áreiðanleika bílsins. Það er hér í mars sem margir keppendur í 24 Heures du Mans koma saman til að láta reyna á kraft vélanna. Rolex er opinbert úr keppninnar.
Sigurvegararnir fá Cosmograph Daytona í verðlaun í hverjum af þessum þremur keppnum, sem eru hin heilaga þrenning þolkappakstursmóta.
Rolex er stoltur samstarfsaðili mikilvægustu samtakanna í þolkappsakstri. Frá 2001 hefur merkið stutt Automobile Club de l’Ouest (ACO), sem skipuleggur 24 Heures du Mans-kappaksturinn og hefur yfirumsjón með FIA World Endurance Championship (WEC), sem er stærsta röð alþjóðlegra kappakstursmóta.
Markmiðið er að gera mikið úr litlu. Kappakstursteymi og framleiðendur standa frammi fyrir þessari tvíþættu áskorun íþróttarinnar og umhverfisins: að ná bestu orkunýtninni og bæta sífellt árangurinn. Rolex hefur alltaf kappkostað að ná stöðugum framförum og styður mótoríþróttir í þessu mikilvæga ferli.
Tom Kristensen, vitnisberi Rolex frá 2010, er sigursælasti ökuþórinn í sögu kappakstursins, en hann hefur verið í fyrsta sæti á 24 Heures du Mans í níu skipti. Hann sigraði á fyrsta mótinu sínu árið 1997 og hélt fyrsta sætinu frá 2000 til 2005. Daninn knái bætti tveimur sigrum við árin 2008 og 2013. Kristensen steig á verðlaunapallinn í 15 skipti af þeim 18 sem hann tók þátt í kappakstrinum. Einnig hefur hann unnið titil FIA World Endurance Championship (WEC) árið 2013 og sigrað sex sinnum á 12 Hours of Sebring.
Jamie Chadwick var tæplega 16 ára þegar hún vann Silverstone 24 Hour árið 2015. Chadwick tákngerir framtíð mótoríþróttanna. Hún var fyrsta konan til að sigra á British GT Championship og er þrefaldur sigurvegari í kvennadeild W-Series (Formula 3). Hún hefur verið vitnisberi Rolex frá 2022 og hefur náð sigri í nokkrum keppnum á fyrsta keppnistímabili sínu í European Le Mans Series árið 2025.
