Rolex
Land-Dweller 40
Oyster, 40 mm, Everose gull
Rolex Land-Dweller
Opnað á ný mið
Land-Dweller er tákn fjölmargra afreka á sviði úrsmíði og er smíðað af þeim sem móta framtíð iðnarinnar. Það er úr fyrir fólkið sem skapar heim framtíðar í dag.
Þetta úr er með keðju sem tengist beint við úrkassann og gefur úrinu samfellt útlit.
Í úrkassanum er verkgerð 7135, gangverk með einstakar nýjungar. Þetta gangverk er þynnra en flest önnur gangverk frá Rolex og er hannað til að tifa við 5 hertz, sem gefur framúrskarandi afköst.
Verkgerð 7135
Hátíðnigangverk
Verkgerð 7135 er hönnuð og framleidd að öllu leyti hjá Rolex og er einstök að því leyti að hún tifar við 5 herts eða 36.000 slög á klukkustund. Þetta er í fyrsta skipti sem þessi tíðni er notuð hjá Rolex. Það gerir úrinu kleift að mæla tímann niður í einn tíunda úr sekúndu. Úrið er líka einstaklega fallega hannað. Það er með gegnsætt úrbak til að hægt sé að dást að útskorna sjálfvindulóðinu úr gulli, ásamt fíngerðri Rolex Côtes de Genève skreytingu á brúnum.
Verkgerð 7135
Dynapulse deiliverk
Dynapulse deiliverkið í verkgerð 7135 er merkileg nýjung og byltingarkennd nýjung í staðinn fyrir hefðbundna svissneska deiliverkið. Það er gert aðallega úr sílíkoníhlutum og með einstaka uppbyggingu. Deiliverkið er afar létt, næstum því alveg ónæmt fyrir segulsviðum og mun orkunýtnara en hefðbundið deiliverk.
Verkgerð 7135
Sveiflugjafi í sérflokki
Sveiflugjafinn í verkgerð 7135 er með óróaás úr efni og hönnun sem kröfðust töluverðrar vinnu. Óróahjólið er úr látúni og Syloxi fjöðrin er úr sílíkoni. Óróaásinn er með skráð einkaleyfi og er gerður úr nýju hátæknikeramik sem er eingöngu notað af Rolex og er mótað með leysigeisla. Fínstillt Paraflex-höggvörn gefur gangverkinu meira höggþol í hvaða stöðu sem er. Sveiflugjafinn getur einnig þolað sterk segulsvið, þökk sé efnunum í íhlutum hans.
Flöt Jubilee keðja
Sameinuð úrkassanum
Land-Dweller endurtúlkar hönnun úra með innfelldum keðjum sem mynda samfellda línu við úrkassann. Flata Jubilee keðjan var sérhönnuð fyrir Land-Dweller og sækir innblástur í hina táknrænu Jubilee keðju sem kom fyrst fram með Datejust árið 1945. Hlekkirnir eru með auðkennandi flatt yfirborð sem sést eingöngu hjá þessari keðju. Keðjan fæst einnig í mörgum nýjum áferðum, meðal annars fægðum miðjuhlekkjum og ytri hlekkjum með satínáferð á efstu hliðinni og fægðar hliðar. Séð frá hlið mynda fægðu fláarnir á efri hluta úrkassans og ytri hlekkirnir ljóshring sem undirstrikar enn frekar samræmda hönnun úrsins.
Skífa
Gatamynstur
Þessi skífa er með skáhallandi kraga og er skreytt með gatamynstri sem er grafið með hátæknileysigeisla. Satínáferðin á hreinhvítu skífunni og geislaáferðin á bláu skífunni eru gerðar með hefðbundnum aðferðum. Á útgáfum með Chromalight-lýsingu eru opnu tölustafirnir og klukkustundamerkin með ljómandi efni sem nær yfir allan hlutinn og finnast eingöngu hjá þessari vörulínu. Þetta gerir það sérstaklega auðvelt að lesa tímann á Land-Dweller við allar aðstæður. Vísarnir eru einnig ljómandi og voru sérstaklega hannaðir fyrir þetta módel. Sekúnduvísarnir skera sig sérstaklega út með hönnuninni á mótvæginu sem er með sama gatamynstur og á skífunni.
Superlative Chronometer vottun
Oyster Perpetual Land-Dweller 40 og Oyster Perpetual Land-Dweller 36 eru með Superlative Chronometer vottun sem var endurskilgreind af Rolex árið 2015, rétt eins og öll úr frá Rolex. Þessi vottun sannar að öll úr sem eru send frá verkstæðum vörumerkisins hafa gengist undir röð prófana í rannsóknarstofum Rolex samkvæmt kröfum fyrirtækisins, í samræmi við opinbera vottun gangverkanna frá Swiss Official Chronometer Testing Institute (COSC). Nákvæmni Rolex Superlative Chronometer úrs er −2 /+2 sekúndna skekkjumörk á dag. Þessi skekkjumörk sem Rolex leyfir hjá tilbúnu úri eru mun minni en þau sem COSC samþykkir fyrir opinbera vottun á gangverkinu einu og sér.
Superlative Chronometer vottunin er sýnd með græna innsiglinu sem fylgir öllum Rolex úrum og henni fylgir fimm ára ábyrgð.
